١١هدية للتعامل مع ذاتك ومع الأخرين

حياة واقعية مع لايف كوتش سارة زكريا

الهدية رقم ١
١.احترام وتقبل الاخرين كما هم

كل واحد مننا يمتلك مميزات ويمتلك عيوب مشكلتنا دائما عايزين اللى قدامنا يتعامل ويتقبل عيوبنا واحنا منتقبلش عيوبه فضرورى نوجد طريقة للتعامل مع الاخرين محدش بيتغير الا لو هو عايز يتغير ولنفسه مش عشان حد

الهدية رقم ٢
٢.الخريطة ليست هى الواقع

الاشياء ليست كما تبدو مش كل حاجه بنشوفها بعنينا هى الحقيقة اى حدث تشوفه بعينك داور على تفاصيله ربما التفاصيل تغير نظرتك

الهدية رقم ٣
وراء كل سلوك نية ايجابية

كل شخص بيعمل حاجه عنده نيه ايجابية تجاه نفسه الناس اللى بتتعصب ودى مش طبيعتها مش قصدها تأذى اللى قدامها ولكن تدافع عن نفسها او ترود على جرح قد تسبب لها من شخص ما

الهدية ٤
٤.معنى الاتصال هو النتيجة التى نحصل عليها

كل شخص بنتعامل معه لازم تحوط نتيجة عايز تحققها من التعامل ده ولو جينا ركزنا هنلاقى كل حاجه بنعملها عشان نتيجة عايزين نحققها اهم حاجه الطريقة المرونة واهم حاجه الطريقه اللى تحققلى الهدف اختار الطريقة المناسبة كل ما تختار الطريقة المناسبة كل مايبقى لديك مرونة عشان رد الفعل يكون كويس

الهدية ٥
٥.الشخص الاكثر مرونة يمكنه التحكم فى الامور

خليك دايما شخص غير متوقع الناس مش حافظة ردود افعالك اعرف امتى اواجه وامتى اعرف انسحب الانسحاب فى وقته قمه القوة اهم حاجه اختار امتى انسحب هيخلى الشخص اللى قدامى يحتار
والمرونة التكيف مع الاوضاع والاحداث المختلفة و ايجاد الحلول البديلة لتفيذ الاشياء والتكيف مع الاوضاع من هنا تيجى المرونة

الهدية ٦
العقل والجسد يؤثر كل منها على الاخر

طول مانا عقلى مشغول مش هقدر اقوم من على السرير اى مجهود بدنى مش هقدر اعمله والعكس لما بيجلى تعب جسمانى مبقدرش افكر ده يتعب ده يتعب فهنا العلاقة طردية بين العقل والجسد

الهدية ٧
٧.ليس هناك فشل لكن هناك خبرات وتجارب

اى حاجه بتمر علينا ماهى الا تجربة استفدت منها بيختلف انا ببصلها ازاى مبدايا نلغى كلمه فشل فى حياتنا مفيش حاجه اسمها فشل اسمها نجاح بنسبة صغيره ايه السبب ممكن بذلت مجهود بشكل غير مرتب او فى المكان الغلط لازم اعمل ايه اعيد ترتيب وتوزيع مجهودى بشكل صحيح هحقق النتيجة اللى عايز احققها

الهدية ٨
اذا كان اى انسان قادر على فعل شئ فمن الممكن لاى انسان اخر ان يتعلمه ويفعله

لا للمستحيل اذن كل فعل ينفع اعمله امتى لما اتعلمه ويكون عندى القدرة على فعله منقولش مستحيل اعمل ده اى انسان قادر على كل شى لكن ينقصنى الارادة والقدرة

الهدية ٩
٩.المقاومة تشير الى ضعف الألفة

يعنى ايه لما يبتدى الشخص اللى قدامك ميقولش الحقيقة او انكار يبقى كده الراحة والالفة ابتدت تقل فى حاجز اتبنى مثلا لما الطفل يبتدى يكدب اعرف ان فى حاجه عملتها جعلته يكسر الراحة والثقة بينكم فعلى حسب احتياجتنا نلجأ للاشخاص

الهدية ١٠
١٠.السلوك ليس الشخص

لما الشخص يكون هادى وفجاة بيتعصب السلوك مؤقت متحكمش على شخص بموقف حصل غصب عنه لكن لما يكون الشخص ده سلوك حياته من حقى اقبله او ارفضه لكن لو شخص جه منه سلوك غير متكرر ممكن غصب عنه مفاجئ افصل بين الشخص والسلوك

الهدية ١١
١١.الخيار افضل من ألا خيار

اوجد لنفسك بدائل واختيارات عشان متحسش ان مجبر على شئ فى بعض الاوقات بنكون مجبرين على تنفيذ اشياء اه لكن علينا الاختيار فى كيفية تنفيذها