أسباب ما يحدث في الاسكندرية من أمطار وعواصف

كتبت – رندة الصباحي
وماجي المصري

قام منخفض جوي قطبي نادر بضرب سواحل مصر الشمالية الغربية، ونتج عنه رياح عنيفة اتحولت لعاصفة غير مسبوقة من سنين.. قطع تلج بتقع من الجو ورعد وبرق بوتيرة سريعة جدًا، وشدة الرياح وصلت لإنها بتوقع اليفط وعواميد النور..

الخرائط بتقول إن الكتلة الباردة دي هتمر على إسكندرية وأقصى شمال الدلتا وممكن تستمر خلال بكره السبت… ومرورها هيكون مصحوب بأمطار رعدية عنيفة، وقطع تلج أو بَرَد، ورياح شديدة ممكن توصل لحد العاصفة..

اللي بيحصل ده هو ظاهرة جوية متطرفة شوية، لكنها تظل عاصفة طبيعية ووارد تحصل يعني. مشهد غريب وجديد على انه يحصل في مصر بالقوة دي، وغالبًا ده بسبب آثار التغير المناخي اللي خلت الظواهر الطبيعية المتطرفة Extreme Weather Events تحصل وتتكرر في مناطق كان صعب تحصل فيها قبل كده.